Facebook para iOS actualízase incorporando burbullas de chat e adhesivos

Facebook presentou hoxe a versión 6.0 da súa aplicación para iPhone e iPad, o que supón unha aproximación desta ferramenta á liña trazada pola aplicación Facebook Home para Android, o que denótase especialmente coa integración das burbullas de chat que facilitan a realización de conversas dende calquera parte da aplicación. No caso do iPhone a aplicación tamén facilita o envío de adhesivos para animar as mensaxes (no que parece unha clara copia de LINE) e permite explorar novas seccións como Música, Fotos e Xogos; mentres que no iPad adóptase unha interface para a exploración de historias dun xeito máis interesante e atractivo.
Aínda que a aplicación está dispoñible para a súa descarga dende hoxe mesmo, pero as burbullas de chat e os adhesivos iranse espallando aos usuarios da aplicación durante as vindeiras semanas.