Unha aplicación para Android converte as nosas imaxes en fotografías de Polaroid

Tras o seu paso polo iPhone e polo iPad, chega a Android a aplicación Polamatic, que é unha das moitas que permite aplicar distintos filtros retro ás nosas fotografías para poder gardalas ou compartilas coas nosas redes sociais, que destaca sobre o resto por chegar coa autorización da propia Polaroid, da que toma o típico formato de fotografías cadradas rodeadas cun marco no que incluso é posible escribir anotacións.
Esta aplicación móbil que está á venda por 0,76 euros inclúe 36 marcos no formato clásico de Polaroid (feitos en base a dixitalizacións de marcos reais), permite aplicar 20 efectos distintos, deixa engadir pés de foto, pode tomar fotografías tanto da nosa galería como directamente da cámara do móbil e facilita compartir as imaxes creadas directamente en Instagram, Facebook, Twitter, Flickr, Tumblr ou correo electrónico (así como gravala no noso dispositivo sen modificar a imaxe orixinal).