O pasado mes de novembro chegaron a Europa os smartphones insignia de Google que revolucionaron o mercado, pois o Nexus 4 poñíase á venda con capacidades de almacenamento de 8 e 16 Gb por só 299 e 349 euros respectivamente, converténdose nos móbiles libres máis atractivos en función da súa relación calidade-prezo, á vez que se trata de terminais da familia Nexus, o que garante a recepción das novas versións de Android antes que a competencia e a pasada noite Google volveu a repetir a xogada, non estreando un novo Nexus (que posiblemente chegará en poucas semanas) senón rebaixando internacionalmente o móbil (a rebaixa aplícase a Australia, Canadá, Francia, Alemaña, España, Corea do Sur, EE.UU. e Reino Unido), de xeito que o Nexus 4 de 8 Gb pode adquirirse por 199 euros e o modelo de 16 Gb por 249 euros, deixando en moi mala situacións a outros smartphones á venda actualmente a prezos semellantes e con prestacións moi inferiores.
É de agardar que esteamos ante unha liquidación de cara á chegada dun novo Nexus 4 e, aínda que durante as últimas horas non parece haber problemas para completar pedidos do atractivo terminal, posiblemente desapareza cedo da web para deixar sitio a un novo Nexus 4 con especificacións actualizadas e, se atendemos aos rumores, tamén fabricado por LG.
Novo Nexus 7
