A semana que vén abrirase a inscrición para a party luguesa InterGalNet

Entre os días 15 e 17 de novembro o Pazo de Feiras e Congresos de Lugo vai servir de escenario para a primeira edición de InterGalNet, unha LAN Party luguesa que durante 72 horas quere xuntar a 2.000 seareiros da informática e dos videoxogos que conta co apoio da popular tenda Disco Azul (sita na rúa Otero Pedrayo, 33, e onde será posible informarse sobre o evento) e na que desenvolveranse torneos de videoxogos como FIFA 14, Call of Duty: Black Ops 2, StarCraft 2, League of Legends e Gran Turismo 5, podendo optar os asistentes a facerse con máis de 5.000 euros en premios. Para facilitar a asistencia ao evento, as persoas que acudan ao encontro informático en tren poderán beneficiarse dun 30% de desconto no billete de Renfe.
O vindeiro luns será cando se abra a inscrición para esta party de gaming e lecer electrónico, que terá un custo de 20 euros por persoa e que estará conectada á Internet cun caudal de 10 Gbps, garantindo unha boa conectividade que permitirá que cada usuario poida gozar dunha boa experiencia en liña.
Aparte da LAN Party tradicional, InterGalNet tamén contará con zona de acampada, zona de lecer-espectáculo, paintball, zona retro, simuladores… completando un catálogo de actividades que buscarán amenizar os 3 días nos que tamén poderán probarse en vivo algunhas das novidades do sector dos videoxogos entre as que espérase que estean as consolas de nova xeración que sairán á venda nos días seguintes ao encontro.