Intel pecha a súa división de wearables

A competencia e os grandes cambios do mercado levaron a Intel a pivotar en varias ocasións nos últimos anos, de xeito que tras fracasar tentando facerse un oco no mundo dos smartphones probou sorte no emerxente sector dos wearables mercando Basis, compañía con pouca fortuna, que hai un ano tivo que retirar do mercado os seus reloxos Basis Peak por riscos de sobrequecemento. As novas que chegan desta división de Intel apuntaban a que o pasado mes de novembro despediran ao 80% do seu persoal, á vez que confirmaban que o produto que estaban a desenvolver, o reloxo Basis Ruby, non chegaría a ver a luz, e finalmente parece que a división completa disolveuse hai un par de semanas, dando a entender que Intel reducirá os seus esforzos neste ámbito para centrarse na realidade aumentada, que podería converterse no foco da innovación dos vindeiros anos.
Pero a desaparición da división que acubillaba ao persoal de Basis esperta algunhas incógnitas, xa que Intel ten acordos de colaboración con fabricantes de reloxos como TAG Heuer, que suponse que manteranse dalgún xeito para non deixar abandonados a socios e consumidores.