Chega a Santiago de Compostela o Sun EcoTour

Sun Microsystems organiza este xoves no Hotel Los Abetos en Santiago de Compostela unha das súas paradas do Sun EcoTour, unha serie de xornadas sobre innovación tecnolóxica e sustentabilidade que pretenden ofrecer solucións para paliar o cambio climático, controlar o gasto enerxético a través de tecnoloxías eco-innovadoras e cumprir os obxectivos de redución das emisións de gases de efecto invernadoiro.
No acto estará presente a directora xeral de Promoción Industrial e da Sociedade da Información, Helena Veiguela Martínez, e tamén intervirán os consultores Alex Ambrós e Antonio Sueiras (de Sun Microsystems Ibérica) e o director de desenvolvemento de negocio de AMD España e Portugal, Alejandro Ruíz-Bueno.
Durante o encontro os asistentes poderán probar e conducir un prototipo do ECO-RIDER, un vehículo de baixo consumo que está a percorrer todo o mundo, e que pode circular ata 45 quilómetros por hora combinando a forza muscular cun motor eléctrico.
O programa de actividades do evento é o que segue:
10:00 Almorzo e rexistro
10:30 Benvida a cargo de Juan Ignacio Pérez Martín-Sequeros, director de Produto de Sun Microsystems
10:40 Apertura Institucional, con María Helena Veiguela Martínez, directora xeral de Promoción Industrial e da Sociedade da Información
10:55 Eficiencia e Sustentabilidade Enerxética, a cargo de Unión Fenosa
11:10 Tecnoloxía para o Centro de Datos Eco-Eficiente, por Antonio Sueiras, consultor de Sistemas de Sun Microsystems
12:00 O Centro de Datos “Verde”, a visión de AMD, con Alejandro Ruiz-Bueno, director de Desenvolvemento de Negocio de AMD
12:20 O ordenador empresarial como máximo expoñente de Eco-Eficiencia, a cargo de Alex Ambrós, consultor de Software de Sun
12:50 Rogos e preguntas. Eco-Concurso Fin de Semana en Paradores
13:00 Cóctel
13:30 Condución do EcoRider, prototipo de vehículo ecolóxico