O portal da Autoridade Administrativa CITES (Convención sobre o Comercio Internacional de Especies Ameazadas de Fauna e Flora Silvestres) en España, dependente da Secretaría de Estado de Comercio, vén de recibir o certificado A90/000020 de Accesibilidade TIC que concede a Asociación Española de Normalización e Certificación Española (AENOR) de xeito que se convirte na primeira páxina web da Administración Central que recibe o devandito certificado.
O sistema de certificación desenvolvido por AENOR para a certificación segundo a Norma UNE 139803:1994 Aplicacións informáticas para persoas con discapacidade. Requisitos de accesibilidade para contidos Web, fundaméntase nas directrices de accesibilidade da World Wide Web Consortium (W3C), e establece as características dos contidos que deben ter as webs para ser empregadas pola maior parte das persoas, incluíndo discapacitados e persoas maiores.
Estes requisitos cubren a maioría das discapacidades (física, visual, auditiva e cognitiva) así como as necesidades das persoas de idade avanzada.
Asemade, refírense a problemas de conexión lenta, navegadores anticuados, ausencias de dispositivos como rato, teclado…
A páxina do CITES é a primeira que recibe o certificado de AENOR coa triple A, o que demostra un nivel de accesibilidade moi elevado.
A web Cites.es convírtese na primeira da Administración Central con certificado de Accesibilidade TIC
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
