Este venres comeza a Ludus Party .Net

Mañá arrinca en Lugo o seu encontro informático Ludus Party .Net 2008, espallándose este evento na súa terceira edición ata o 8 de decembro. 650 persoas poderán ocupar a Feira de mostras e exposicións de Lugo, contarán cunha saída á rede de 400 Mbps e unha rede local de 10 Gbps, mellorando a infraestrutura de pasadas entregas.
O encontro servirá para as típicas confraternizacións, o intercambio de experiencias, a participación en obradoiros, conferencias e competicións, abarcando temas coma o arte dixital, o hardware, o software libre, a dobraxe de películas, Livemotion e Air Guitar, entre outros.
Tamén terán lugar presentacións de produtos, xogarase a títulos coma Counter Strike, Mario Kart Wii, PES 2009, Quake III Arena, Warcraft III e Trackmania, e mesmo se agarda un concerto do DJ lugués Dr. Think.