Diego Mariño (Abiquo) e Marta Sánchez (SeedRocket) estarán no vindeiro Iniciador Galicia

Os encontros de emprendedores de base tecnolóxica Iniciador Galicia continúa a súa xeira pola nosa comunidade e o vindeiro 28 de maio ás 19:00 horas recalará no CEI – NODUS de Lugo, atendendo á alta demanda do público local deste tipo de eventos, contando desta volta con Diego Mariño (co fundador da plataforma de cloud computing Abiquo) e Marta Sánchez (manager de Seed Rocket) coma convidados que compartirán as súas experiencias cos interesados en escoitar as súas palabras e aprender así tanto os erros coma os acertos de emprender unha compañía coma Abiquo, podendo facerse tamén un achegamento ao funcionamento do Campus do que naceu esta compañía e que vén de pechar unha quenda de financiamento de 5,1 millóns de dólares.
Os interesados en asistir a este interesante encontro poden confirmar a súa presenza a través de Facebook ou facendo uso do correo electrónico.