Macallan chega como unha nova interface tablets con Windows 7

Pese a que Windows 7 teña soporte para pantallas táctiles, non destaca especialmente para tal funcionalidade, o que podería solucionarse mediante novas capas de interface como a que veñen de presentar dende UI Centric, equipo que desenvolveu Macallan, unha interface de usuario para Windows 7 deseñada dende cero para dispositivos tipo tablet e que buscaría aproveitar o feito de que con tal plataforma podería terse multi-tarefa nativa, soporte de Flash, soporte de tarxetas de memoria e unidades USB e funcionalidades de cámara e videoconferencia.

UI Centric pretende levar Macallan a algún tablet real no terceiro trimestre do ano, e polo momento amosan unha experiencia de uso realmente interesante, coma o feito de que presente cada aplicación coma se fose unha folla de papel (apilando unhas sobre outras), lembrando tamén ao reprodutor multimedia Zune, sempre cunha optimización pensada en utilizar o equipo cos dedos, de xeito que poderiamos ver cómo nuns meses cada fabricante de tablets baseados en Windows 7 utilizará unha interface semellante para dotar de personalidade aos seus equipos (na mesma liña a como están a facer con moitos móbiles con Android).

Presentación en vídeo da interface de usuario Macallan