Este xoves terá lugar un obradoiro sobre redes sociais para a PEME en EXPOCoruña

Tras o éxito do encontro profesional B-web deste ano, os seus responsables decidiron prolongar a experiencia cunha serie de obradoiros temáticos que principiaron o pasado 15 de setembro e que mañá terán unha nova entrega da man de Irene Montero Díaz, licenciada en Filoloxía Inglesa e Master en Medios de Comunicación, quen abordará o tema das Redes Sociais para PEME.
Esta actividade terá lugar en EXPOCoruña de 16:00 a 20:00 horas e procurará ilustrar aos asistentes sobre a utilidade das redes sociais para pequenas e medianas empresas na actual realidade da comunicación na que as empresas poden relacionarse directamente a través das novas canles abertas a través de Facebook, Twitter, Foursquare e outras plataformas que permite achegar un feedback sobre os produtos descoñecido ata o momento e dando pé a unha nova era para a xeración de marca.