Galicia en Coworking desprazarase a Vigo no mes de xuño

Tras a celebración do primeiro encontro presencial de Galicia en Coworking no Edificio Ágora de A Coruña, esta iniciativa que quere favorecer o desenvolvemento de novas empresas e proxectos mediante a colaboración de empresas e profesionais vai repetir actividade no mundo real trasladándose o venres 8 de xuño ao Hotel Carris Beiramar (Avenida de Beiramar 57 de Vigo) onde buscan xuntar a un bo grupo de profesionais entre os que poidan xurdir sinerxías no futuro.
Galicia en Coworking está a artellar a súa actividade principalmente a través da Internet, facendo uso de plataformas sociais como Facebook, Twitter e LinkedIn, destacando especialmente a presenza de perfís tecnolóxicos entre os participantes neste catalizador de proxectos empresariais.