DC fará máis interactivos os seus comics dixitais

O mundo do comic leva meses apostando con moita forza polo soporte dixital, grazas en boa medida pola emerxencia dos tablets, pero mantendo o formato adoptado historicamente no papel, o que DC Entertainment quere comezar a rachar introducindo innovacións que engadan certo nivel de interactividade no que serán os formatos DC² e DC² Multiverse.
Con DC² intégranse capas dinámicas nos paneis dos comics dixitais, engadindo unha nova dimensión á narración dixital, mentres que DC² Multiverse permitirá que o lector elixa o camiño polo que transcorrerá a historia na liña dos populares libros de Elige tu propia aventura (de Timun Mas).
O primeiro cómic que fará uso de DC² será o número 1 de Batman ’66, unha colección inspirada na serie de televisión de Batman que botaban pola TVG (protagonizada por Adam West), e que aproveitará as capas dinámicas para levar á banda deseñada boa parte da esencia retro da serie de televisión, animando as súas secuencias dun xeito curioso.
Para ver en acción o formato DC² Multiverse teremos que recorrer a Batman: Arkham Origins, cómic inspirado no videoxogo homónimo que veremos este mesmo ano, e que tamén incluirá imaxes dinámicas, sons e banda sonora, permitindo que o lector decida o curso de cada arco argumental e personaxe.
Estas novas propostas completan á política de publicar os comics en dixital o mesmo día que o seu lanzamento en papel, que inicialmente realizábase só a través de ComiXology, pero que pouco a pouco van ampliando a súa distribución a través das tendas dixitais de Apple, Amazon e B&N.