A directora do Campus Madrid de Google for Entrepreneurs visitará Vigo esta semana

O espazo de Google for Entrepreneurs Campus Madrid que está a piques de abrir as súas portas está a darse a coñecer polas distintas partes da xeografía española, de aí que o vindeiro mércores ás 18:30 horas a súa directora, Sofía Benjumea, co fundadora de Spain Startup, visite o Círculo de Empresarios de Galicia acompañada por José Iglesias, director para Europa de UP Global.
Esta actividade busca achegar aos emprendedores galegos as actividades que se realizarán no Campus Madrid e o que suporá para o fornecemento do ecosistema de emprendemento en España. Tras a parte máis formal desta xornada continuarase cunha sesión de networking a partires das 19:30 horas.
A participación neste evento é totalmente de balde, sendo preciso inscribirse previamente a través dun formulario en liña.