A IFA de Berlín será o primeiro evento tecnolóxico presencial posconfinamento

mércores, 20 de maio do 2020 Marcus Fernández

Hai un mes a organización da feira IFA de Berlín anunciou que mudaría de formato en setembro, xa que as autoridades xermanas prohibiron a celebración de eventos con máis de 5.000 participantes até o 24 de outubro, e aínda que poderiamos pensar que limitarían as actividades á Rede como outros eventos que cancelaron a súa edición presencial por mor da pandemia, a IFA sería o primeiro grande evento tecnolóxico presencial tras o confinamento, aínda que con serias limitacións de aforo, de xeito que só poderase acudir en persoa con invitación.
A IFA de Berlín será así un evento presencial modesto que completarase con actividades a través da Internet. A feira terá lugar entre os días 3 e 5 de setembro e segregarase en 4 eventos limitados a 1.000 persoas/día cada un, medidas que permitirían manter os estándares de hixiene máis elevados. Sería un encontro moi diferente ao de pasadas edicións, pero podería servir de exemplo a formatos a adoptar mentres non se recupera a normalidade ante posibles crises sanitarias futuras.

Vídeo a través do que explican como será a vindeira edición da IFA de Berlín

PUBLICIDADE