A Steam Deck por fin pode adquirirse sen reserva

Valve anunciou no verán de 2021 unha consola portátil para xogos de PC chamada Steam Desk, que non chegou a lanzarse até o 25 de febreiro deste mesmo ano, pero con serios problemas de produción que facían que só puidese facerse cunha destas máquinas quen a tivese reservado con meses de antelación, situación que vén de solucionarse, de xeito que a Steam Deck por fin está dispoñible sen reserva, aproveitándose a ocasión para pór á venda a súa estación de acoplamento.
A Steam Deck pode adquirirse agora por entre 419 e 679 euros en función do almacenamento e os complementos incluídos co produto; mentres que a nova estación de acomplamento véndese por 99 euros, sendo un accesorio ideal para poder empregar a Steam Deck no escritorio, xa que engade 3 portos USB-A 3.1, un porto Gigabit Ethernet e saídas de vídeo DisplayPort 1.4 e HDMI 2.0, polo que sería unha solución moi axeitada para converter a consola portátil de Valve nunha especie de consola doméstica ou incluso un ordenador de sobremesa (pois internamente segue a ser un PC).