A primeira gamejam de MOLAB sáldase cunha grande participación
luns, 11 de xuño do 2018
A asociación
estudantil coruñesa Monkey Laboratory (MOLAB) celebrou dende o pasado sábado a súa
primeira gamejam, competición non
presencial baseada na plataforma en liña Itch.io, onde están dispoñibles os 9 proxectos
desenvolvidos en apenas 72 horas.
Esta tarde celebrouse unha mostra pública dos xogos realizados nesta especie de
maratón de programación, e tras a súa avaliación por un xurado composto por
profesionais galegos do sector tecnolóxico e dos videoxogos, anunciáronse os gañadores,
entre os que destacou Strato, obra de David Gómez, que fíxose cos
galardóns ao Mellor Videoxogo e ao Mellor Deseño Artístico, mentres que Miguel
López Vázquez co seu Binary Fall veu recompensada a súa creación
co premio ao Mellor Deseño de Xogo e o Mellor Deseño Sonoro recaeu en A Fonte
de Martín Álvarez, Óscar Casado e Denís López. A entrega de premios puido seguirse en streaming a través de Twitch.
A xornada estivo amenizada coa presenza dunha máquina recreativa construída na
propia Facultade de Ciencias da Comunicacións da Universidade da Coruña, onde
tivo lugar esta actividade, e na que os asistentes puideron gozar dalgúns clásicos
dos salóns recreativos como Tetris ou
Ghost’n Goblins.
- Durante o evento estaba dispoñible unha máquina recreativa con numerosos xogos precargados
- Strato foi o grande gañador da gamejam con 2 galardóns
- Un total de 9 equipos de até 4 integrantes participaron nesta competición
- Martín Álvarez, Óscar Casado, Denís López, Miguel López Vázquez e David Gómez foron os gañadores da I MOLAB Gamejam