A revista Nintendo Power despÃdese homenaxeando o seu primeiro número
luns, 3 de decembro do 2012
Tras
anunciarse no verán que a revista Nintendo Power Ãa dicir adeus tras 24
anos nos quioscos norteamericanos, esta publicación histórica do mundo dos
videoxogos abandonará o papel o vindeiro 11 de decembro dun xeito moi especial:
cun número
de despedida no que homenaxean o primeiro número da publicación.
O primeiro número de Nintendo Power
amosaba unha escena de New Super Mario
Bros. 2 esculpida en barro, que no derradeiro exemplar da publicación
recréase aproveitando o lanzamento de New
Super Mario Bros. U, o novo xogo de Mario para Wii U.
O derradeiro número da Nintendo Power
aproveitará a súa despedida para facer un repaso dos seus preto de 25 anos de
historia e unha selección dos que consideran que son os mellores xogos de todos
os tempos. Tampouco esquecen o lanzamento da Wii U, e dedican á nova consola de
Nintendo nada menos que 20 páxina para analizala. Sen dúbida, un número para o
recordo, que agradecerán os fieis seguidores de Nintendo.
A desaparición deste tipo de publicacións responde ao feito de que xa non
acadan o seu principal obxectivo, servir de promoción dos videoxogos entre o
público infantil e xuvenil, pois as novas xeracións de xogadores están afeitos
a informarse a través da Internet, e non recorren ao quiosco para saber das
últimas novidades do sector dos videoxogos, de aà que este tipo de revistas
estean condenadas ao peche, como tamén
acontece coa revista oficial de PlayStation (que pecha nos EE.UU.).
- O derradeiro número da Nintendo Power será toda unha xoia para os nostálxicos