A semana que vén terá lugar na Coruña o primeiro Betabeers galego
xoves, 7 de xuño do 2012
A serie de encontros de desenvolvedores web e aplicacións
móbiles coñecido como Betabeers vai estrearse en Galicia tras o seu paso por
Madrid, Barcelona Murcia, Bilbao e Salamanca, de xeito que o vindeiro 14 de
xuño a sede
coruñesa da Escola de Negocios Novacaixagalicia será a que dea acubillo a
este I
Betabeers Galicia, no que terá lugar un relatorio de Xavier Castaño
(Igalia) que explicará como é posible facer negocio co Software Libre,
concretando no caso da súa empresa.
Á intervención de Castaño seguiranlle as presentacións dun par de proxectos: Galicia CoWorking e nubeOffice. Este último proxecto acudirá
na procura de colaboradores e programadores.
- O encontro terá lugar na Escola de Negocios Novacaixagalicia da Coruña
