Amazon adquire Wondery

Para moitos 2020 foi o ano do podcasting, aseveración que sería consecuencia en grande medida do feito de que a incorporación de podcasts en Spotify supuxo o meirande pulo que este formato de distribución de contidos coñeceu na súa historia, chegando principalmente a un público mozo que en moitos casos nin sequera escoitaba con frecuencia a radio convencional, dando a entender o grande potencial que ten este tipo de contidos, e precisamente por iso non debería sorprender a última xogada de Amazon, compañía que vén de anunciar a compra de Wondery, un editor de podcast innovador.
A adquisición de Wondery por parte de Amazon non suporá ningún cambio para os usuarios, que continuarán a poder escoitar os podcasts de Wondery sen problema, pero si axudará a potenciación de Amazon Music, concretamente o seu apartado de podcasts, que veu a luz o pasado mes de setembro, como un claro xeito de competir con Spotify.