Chega ás tendas o agardado Gears of War: Ultimate Edition
venres, 28 de agosto do 2015
A data que agardaban moitos usuarios de Xbox One por fin
chegou, e o xogo Gears of War:
Ultimate Edition xa está dispoñible para a súa compra e descarga, de
xeito que este clásico para Xbox 360 por fin pode gozarse en consolas de nova
xeración tras verse sometido a unha profunda remasterización e modernización e incluÃndo 5 capÃtulos de campaña
nunca publicados para consola.
A primeira entrega de Gears of War
pode agora gozarse con gráficos a 1.080p e 60 cadros por segundo, con efectos
de iluminación mellorados, personaxes máis detallados e escenas cinemáticas
recreadas. Os modos multi-xogador tamén se enriqueceron, incluÃndo Team Death
Match, King of the Kill e 2v2, un modo especial de 2 contra 2 deseñado pola
propia comunidade do xogo. O xogo tamén dá acceso prioritario á beta de Gears of War 4,
xogo que chegará no inverno de 2016.
Pero para moitos o mellor desta edición definitiva de Gears of War non é só que facilite a recuperación dun tÃtulo que
marcou un antes e un despois nos shooters
para consola, creando escola co seu sistema de coberturas, senón que tamén é
moi destacable por ser o primeiro produto que vai tirar un proveito efectivo da
retrocompatibilidade con Xbox 360 que vai estrear a Xbox One no outono, xa que
ao mercar este novo xogo tamén se reciben en formato descargable a colección
completa da saga para Xbox 360, de xeito que os 4 xogos orixinais poden gozarse
sen a súa pertinente remasterización,
pero contando cos elementos propios do xogo en Xbox One (como poder facer
capturas de pantalla, gravar partidas e facer streaming dos xogos a un ordenador con Windows 10). Estes xogos só
estarán dispoñibles sen custo adicional até o 31 de decembro.
Adicionalmente tamén é posible mercar
este xogo en lote cunha Xbox One, que actualmente ofrécese ao prezo
reducido de 369,99 euros (o que supón un aforo de 30 euros fronte a seu prezo
habitual).
- Ao mercar Gears of War: Ultimate Edition antes de rematar o ano recibiremos sen custo adicional a saga completa de Gears of War para Xbox 360
Tráiler de Gears of War: Ultimate Edition