Google mercará Fitbit para progresar no ámbito dos wearables

Mentres Apple consegue que o seu reloxo conectado sexa un éxito a nivel mundial, dende Google teñen bastante abandonada a súa plataforma de wearables, Wear OS, e o feito de que a primeiros de ano mercasen a tecnoloxía do Fossil Groups parece non ter sido dabondo para revitalizar este sector, de aí que agora apuntasen máis alto e optasen por chegar a un acordo de adquisición por Fitbit, compañía con máis de 12 anos de experiencia e con máis de 28 millóns de usuarios activos en todo o mundo.
A compra de Fitbit por parte de Google materializarse ao longo e 2020, e pretende que sexa un xeito de salientar o compromiso de Google polo ecosistema de Wear OS, que grazas á colaboración con Fitbit poderá progresar a un maior ritmo que o actual, para avanzar na vindeira xeración de wearables, gama de produtos que cada vez teñen unha maior importancia nas nosas vidas.