Microsoft farase cargo das reparacións de consolas Xbox 360 que presenten o erro E74

Os usuarios da Xbox 360 tiveron que padecer os problemas da aparición de tres luces vermellas en moitas das consolas que supoña unha avaría grave da mesma por mor dun fallo de deseño, o que levou a Microsoft a ampliar a garantía da súa consola de alta definición para tranquilizar aos consumidores, e para manter o mesmo nivel de atención ao cliente (considerado exemplar) agora a compañía estende a mesma medida a un fallo semellante da súa consola.
Deste xeito, os usuarios que ven que na pantalla da súa Xbox 360 aparece unha mensaxe co erro E74 poderán respirar tranquilos e saber que non deberán pagar nada pola súa reparación ata 3 anos despois da súa compra. A compañía tamén se comprometeu a reembolsar a cantidade pagada pola reparación dunha avaría deste tipo de producirse antes da entrada en vigor desta medida (tendo os clientes ata o 1 de novembro para solicitar o reembolso económico).