Por fin é posible ampliar a capacidade interna da PS5
xoves, 29 de xullo do 2021
A capacidade de almacenamento das novas consolas pode
considerarse insuficiente dende o seu lanzamento, de aà que xa de partida
tivesen un método de ampliación, que no caso da Xbox Series X é mediante un
accesorio externo e na PS5 a cousa complicábase por realizarse internamente e
por precisar
dunha actualización do firmware da consola que por fin chegou na súa
versión beta, desvelando o complicado do proceso.
Nas
páxinas de soporte técnico da PlayStation 5 en inglés detallan o preciso para ampliar
o almacenamento interno da consola e, aparte de ter que abrir a máquina e
ter que instalar a tarxeta SSD en formato M.2, dan unha cantidade tal de
detalles técnicos que afastan do usuario medio a operación e, moi especialmente
a identificación das memorias compatibles coa PS5, xa que hai que contar con
unidades que teñan unhas prestacións semellantes ás do almacenamento nativo da
consola e tamén ter un tamaño que encaixe no espazo dispoñible.
Basicamente pÃdese que unha unidade SSD en formato NVMe M.2 PCIe Gen4 x4 de
entre 250 GB e 4 TB de capacidade, cun ancho de 22 milÃmetros (ou sexa, nos
formatos M.2 tipo 2230, 2242, 2260, 2280 e 22110) que non teñan un disipador moi
grande, ou sexa, que o máis normal é que nos vindeiros meses as tarxetas que
cumpran con estas especificacións inclúan unha etiqueta que diga que son compatibles
con PS5. Recomendan que como mÃnimo traballen a 5.500 MB/segundo, ou sexa, unidades
como a Corsair
MP600 Pro, que na súa versión de 1 TB ten un prezo actual de 224 euros,
polo que estarÃa moi na liña da tarxeta
de expansión para Xbox Series X|S, que custa oficialmente 216,95 euros e
carece de complicacións para a súa instalación (simplemente hai que introducila
nunha rañura).
Cómpre salientar que a longo prazo será posible que as SSD para PS5 sexan máis
económicas que as tarxetas de Xbox polo feito de que son unidades compatibles
con PC, polo que parten dun mercado máis competitivo, de xeito que nun par de
anos poderÃan ter un prezo máis asumible.
- As memorias SSD para a PS5 deben ter unhas medidas bastante concretas