Rouban datos dos usuarios de Yoigo

Algúns clientes de Yoigo están a compartir en redes sociais un comunicado que recibiron da compañía no que advirten que padeceron unha intrusión informática, deixando expostos datos persoais dos seus clientes, ante o que aseguran ter reforzado as súas medidas de seguridade e incrementado a vixilancia ante anomalías na xestión de liñas e a contratación de novos servizos.
Aseguran que por culpa disto, nos vindeiros días será máis complicado operar cos servizos de atención ao cliente, xa que esixirán máis información para verificar a identidade dos usuarios, e tamén instan a ter unha maior seguridade cos correos electrónicos, mensaxes de texto ou chamadas de remitentes descoñecidos ou que non se identifiquen claramente, especialmente se solicitan códigos, contrasinais ou datos de pagamento, e instan a denunciar ante as autoridades competentes no caso de detectar algunha actividade sospeitosa.
Os usuarios que dan conta do sucedido amosan a súa indignación ante o xeito no que se comunica o incidente, pois nin concretar a información subtraída nin os usuarios afectados, transmitindo intranquilidade e indefensión aos clientes da operadora.