Vigo será a sede da edición 14 da xuntanza anual da comunidade KDE
luns, 29 de abril do 2019
A
vindeira edición da Akademy-es, a reunión anual da comunidade de
desenvolvedores e usuarios da contorna de escritorio KDE e doutras
comunidades do software libre (ámbito estatal), vaise celebrar en
Vigo, concretamente do 28 ao 30 de xuño. A
cita, organizada en colaboración coa asociación galega GALPon,
levarase a cabo no Museo de Arte Contemporánea, o MARCO de Vigo.
A xuntanza chegará en Vigo á súa edición número catorce. A
intención dos organizadores é achegar “uns días fantásticos de
relatorios, presentacións, obradoiros, conversas, intercambio de
ideas e de cultura libre en xeral”.
Durante
o evento realizaranse charlas tanto para usuarios como para
desenvolvedores, ademais de talleres prácticos e outras actividades
de carácter máis social coas que se pretenden cumprir os seguintes
obxectivos: pór en contacto a desenvolvedoras e desenvolvedores de
KDE de toda España (para que poidan falar dos proxectos en que están
a traballar, compartir código, experiencias e coñecemento), dar a
coñecer os proxectos KDE e a contorna de escritorio aos novos
usuarios e divulgar acerca das tecnoloxías KDE, tanto para novos
creativos como para usuarios que queiran coñecer mellor KDE.