Xa non é preciso contar con invitación para xogar a Fortnite para iOS
luns, 2 de abril do 2018
Hai preto dun mes Fortnite
Battle Royale comezou
a funcionar, con invitación, en dispositivos móbiles, de xeito que este
fenómeno xa non se limita a PlayStation 4, Xbox One, PC e Mac, sorprendendo porque
a versión móbil optou por non ser un xogo reducido, senón por ofrecer unha
experiencia completa, co mesmo mapa, a mesma xogabilidade e as mesmas
actualizacións semanais. Tras varias semanas en probas, a versión parece estar
madura, e agora os usuarios de dispositivos con iOS 11 compatibles (iPhone SE,
6S, 7, 8 e X, iPad mini 4, Air 2, 2017 e Pro) poden xa gozar libremente de Fortnite para iOS, sen esperar por unha
invitación.
Os usuarios que deberán agardar agora a recibir unha notificación convidándoos
a gozar de Fortnite no seu móbil
serán os que teñan Android, que poden xa inscribirse
para a nova versión móbil que chegará en breve.
Fortnite converteuse nas últimas
semanas no xogo lÃder dentro do xénero do Battle Royale, superando a Playerunknown’s Battlegrounds, permitindo
que nas súas distintas plataformas poida participar en partidas de xogador
contra xogador de até un cento de participantes que terán que construÃr
coberturas, enfrontarse aos rivais e, en definitiva, sobrevivir até ser o
último xogador en pé, que xa non limita a experiencia ao ordenador e a consola,
senón que agora pode levarse a case calquera lugar onde contemos con acceso á
Internet, o que claramente facilitará que continúe a medrar a popularidade
deste tÃtulo.
Tráiler da versión móbil de Fortnite Battle Royale