A Secretaría Xeral de Política Lingüística quere facilitar nas sedes da Administración española en Galiza o traballo de trasladar a nosa lingua ó castelán, e viceversa. Dito doutro xeito: quere galeguizalas. Con esta finalidade, vén de distribuír o sistema tradutor castelán-galego Es-GL nun total de 136 sedes de institucións públicas do Estado, como son a Delegación do Goberno, as subdelegacións provinciais e distintos organismos ministeriais asentados en Galiza, o Centro Superior de Investigacións Científicas (CSIC), o Ente Público de Aeroportos Nacionais e Navegación Aérea (AENA), o Ministerio de Fomento, o Ministerio de Defensa ou áreas funcionais do Ministerio de Administracións Públicas. Segundo apunta a Secretaría Xeral, “este recurso permite a tradución inmediata de documentos do castelán ao galego, cunha alta calidade na tradución e unha velocidade dunhas 90 páxinas por minuto”. Malia todo, o devandito departamento tamén puntualiza que é precisa unha revisión polo miúdo do resultado do proceso da tradución, co fin de que se axuste ben ó agardado.
Política Lingüística distribúe o tradutor Es-Gl en 136 puntos da Administración española en Galiza
Compartir Este Artigo
- A Xunta resolve máis da metade das incidencias informáticas do persoal en menos dunha hora
- A Xunta destaca o papel das aulas CeMIT como espazos de proximidade para a capacitación dixital, a experimentación tecnolóxica e a cohesión comunitaria
- A Xunta garante o acceso universal á administración electrónica coa creación da figura do persoal funcionario habilitado
- A Estratexia Galicia Dixital 2030 mobilizou máis de 390 millóns de Euros en 2025 e consolidou novos avances na transformación dixital de Galicia
