Francia quere evitar que os seus políticos utilicen terminais Blackberry

Hai ano e medio o Goberno francés recomendou ós seus políticos que deixaran de empregar teléfonos con tecnoloxía BlackBerry por supor un risco para a seguridade, xa que as mensaxes intercambiadas a través destes terminais circulan por servidores sitos nos EE.UU. e Reino Unido, polo que estarían expostos á espionaxe da NSA.
Agora, o novo gabinete de Nicolas Sarkozy podería converter a mera recomendación nunha prohibición (como xa pasou en Australia) pois as comunicacións dos políticos franceses estarían seriamente comprometidos polo uso da tecnoloxía da empresa canadense RIM, e están a estudar unha alternativa máis segura.
Dende RIM aseguran que as comunicacións dos seus terminais son seguras, pois empregan encriptación AES 256 e mesmo sosteñen que non sen quen de espiar as comunicacións dos seus clientes, aínda que algúns apuntan ó feito de que tal seguridade informática si podería ser violentada pola Axencia Nacional de Seguridade (NSA) dos EE.UU.