Desminten que O₂ pechase un acordo de distribución do iPhone no Reino Unido

A filial británica de Telefónica no sector da telefonía móbil, O₂, desmentiu que pechara un acordo con Apple para a distribución exclusiva do iPhone no Reino Unido como publicara boa parte da prensa británica e mundial, e a propia compañía rexeitou facer comentarios sobre o posible acordo de comercialización.
Tampouco está confirmado que T-Mobile (filial de Deutsche Telekom) distribúa o iPhone en Alemaña, polo que os rumores destes días (nos que tamén se lle daban a Vodafone moitas bazas para facerse coa distribución europea do novo terminal de Apple) non corresponden a realidades, senón a negociacións entre distintas compañías que poden rematar de xeitos moi diferentes.
Apple debería elixir entre escoller ós operadores líderes (O₂ en Reino Unido, Orange en Francia e T-Mobile en Alemaña) ou a un operador único con presenza en moitos países (Vodafone), aínda que as compañías europeas tamén poñen atrancos nas negociacións, pois Apple quere impor condicións ás operadoras, ó contrario co que acontece co resto de fabricantes de móbiles (que son os que atenden ás esixencias das operadoras).