A DGT informa sobre a situación actual do tráfico a través unha ferramenta baseada en Google Maps

A Dirección Xeral de Tráfico (DGT) amplía as posibilidades de información ó condutor dende a súa páxina web grazas a unha nova aplicación informática que integra o sistema cartográfico de Google Maps para a visualización de datos de tráfico, meteoroloxía e imaxes de cámaras a través da Internet.
O usuario pode acceder á información presente nos dispositivos instalados nas estradas como equipos de tomas de datos que achegan o número de vehículos, velocidade, densidade de circulación… nun tramo de estrada; información de estacións meteorolóxicas e as mensaxes dos panais luminosos.
A interface de uso deste novo sistema de mapas permite a visualización a xeito de mapa ou con imaxes híbridas que engaden imaxes aéreas das zonas exploradas. Hai que destacar que o sistema está en español, galego, catalán, vasco, francés e inglés. Os usuarios rexistrados poderán crear páxinas personalizadas cos seus traxectos habituais (o que suporá un aforro de tempo en consultas ulteriores).

A nova ferramenta resulta de especial utilidade para planificar desprazamentos (principalmente en longas distancias) pois se poden ver cortes de estradas, atascos e outro tipo de incidencias, que polo momento achega información en tempo real de dispositivos instalados en Castela, Galicia, Estremadura, Madrid, Asturias e Cantabria, agardándose que en pouco tempo inclúa toda a xeografía española.