Jooce ofrecerá un escritorio virtual para os internautas sen un ordenador fixo

O número de persoas que se conecta á Rede dende cibercafés e outros locais públicos non poden gozar de moitas facilidades que teñen os usuarios domésticos, polo que a nova empresa francesa Jooce está a preparar unha especie de escritorio desenvolvido en Flash para que os usuarios poidan ter unha especie de escritorio virtual ó alcance dende o que poder gardar e compartir documentos, mandar correos electrónicos, reproducir contidos multimedia e mesmo facer uso da mensaxería instantánea.
Jooce aínda está nunha versión en probas privada, pero agardan que esta plataforma acade un importante éxito xa que estiman que o número de usuarios que acceden á Internet dende equipos públicos é duns 500 millóns de persoas, o que supoñen un público potencial moi amplo.
Tamén publicarán a súa API máis adiante, o que permitirá a terceiros desenvolver aplicacións que completen as funcións básicas incorporadas.