Logo do éxito acadado na pasada edición, o programa de divulgación científica ConCiencia chega un ano máis a Compostela, da man do Consorcio de Santiago en colaboración coa Universidade e co obxectivo de proxectar á capital de Galicia como foco universal do pensamento.
Nesta edición, e como novidade, os actos centrais celebraranse en locais situados fóra do Campus universitario e en horarios de tarde-noite (arredor das 20.00 horas), máis accesibles segundo a organización para favorecer a asistencia do público en xeral.
Ademais de mellorar a divulgación científica, da man de figuras do máximo nivel internacional, outro dos obxectivos dos promotores desta iniciativa é situala de ponte para o reforzamento de contactos científicos entre persoeiros da máxima relevancia científica mundial e o corpo de investigadores da USC.
As presenzas máis salientables deste ano son John E. Walter, da Universidade de Cambridge (Reino Unido) e Premio Nobel de Química no ano 1997 que se achegará a Compostela os días 3 e 4 de outubro; e Frank Wilczek, do Massachussets Institute of Technology (EE UU), Premio Nobel de Física no 2004, que participará en ConCiencia os días 18 e 19 de outubro.
Programa ConCiencia: achega de Premios Nobel para abrir a tempada de congresos en Santiago
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
