Intel presentou varios modelos de UMPC que verán a luz en 2008

Os fabricantes de equipos informáticos levan anos intentando impor unha nova modalidade de equipos de alta portabilidade coma os Tablet PC ou os UMPC coma o Origami, pero atopaban certos atrancos para conseguir a súa popularización, o que podería cambiar coas características que preparan para a seguintes xeracións destes dispositivos.
Así, durante o Intel Developer Forum amosáronse o que serán os novos ordenadores ultraportátiles, véndose terminais dos fabricantes Asus, Compal, Elektrobit, Inventec e Quanta, que incorporan os procesadores da plataforma Menlow e que esperan que se convertan en realidade na primeira metade de 2008.
Estes novos equipos permitirían levar a potencia dun ordenador persoal na palma da man, o que aínda podería ser máis prometedor tendo en conta que Intel anunciou que integrará conectividade Wi-Fi, 3G e WiMAX para mellorar a experiencia de uso dos futuros ordenadores que converterán en realidade o soño dos equipos sempre conectados (e en calquera parte), o que podería levar a unha revolución da banda larga móbil, xa que se facilitaría o seu uso sen accesorios adicionais e case calquera equipo.