PuntoGal suma máis de 700 apoios en XGN

Durante o encontro Xuventude Galiza Net a Asociación PuntoGal contou cun expositor dende o que deu a coñecer a súa iniciativa para acadar un dominio para a lingua e a cultura galegas, conseguindo xuntar máis de 700 sinaturas en apoio da causa, de xeito que se superan así os 8.000 apoios individuais ó PuntoGal.
A Asociación tamén repartiu material informativo no que se explica en qué consiste a iniciativa a favor do dominio galego na Internet e as vantaxes que podería ter a consecución do dominio, que suporía a creación dun espazo propio na Internet.
Os asinantes levaron camisetas do PuntoGal co lema «estou-che a punto.gal», así como adhesivos co logo Eu.gal.