En novembro SlySoft lanzou unha versión de proba do seu programa AnyDVD HD (a 6.1.9.6) que permitía copiar os contidos protexidos tanto de discos HD DVD coma de Blu-ray, rachando a protección BD+ prometía ós estudos cinematográficos unha garantía de inviolabilidade de 10 anos.
Agora, SlySoft anuncia a versión 6.4.0.0 do AnyDVD HD, o que xa é un programa estable, que pretende tirar proveito do fin da guerra dos formatos de alta definición, dando a coñecer que a protección das películas non pode evitar a copia privada das películas publicadas.
A nova versión do AnyDVD HD completa así as súas probas corrixindo moitos erros detectados na copia de certas películas (principalmente da 20th Century Fox).
Aparte da copia de películas, o AnyDVD tamén fai posible reproducir no ordenador calquera película en disco Blu-ray a través do PowerDVD Ultra (que nun principio é incompatible con certas proteccións destes discos), así como a reprodución de películas sen contar con tarxetas gráficas e pantallas con homologación HDCP, eliminando tamén outras restriccións (de xeito que se poden saltar os logos dos estudos ó principio de moitas películas e mesmo cambiar de subtítulos ou lingua durante as mesmas pese a estar bloqueadas).
O AnyDVD HD fai doada a copia e reprodución de películas en discos Blu-ray
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
