Mundocombo.com cambiará de nome porque El Combo é unha marca rexistrada pola ONCE

A Oficina de Marcas e Patentes parece ter certos problemas para diferenciar marcas comerciais de termos xenéricos, ou tal se entende ante o anuncio de que a web baixo o dominio mundocombo.com cambie de nome por nakoko.com despois de que ter un problema para rexistrar Mundocombo coma marca.
Tras 2 meses de funcionamento da web o seu responsable decidiu solicitar a marca, e topou coa oposición da ONCE que conta coa marca comercial El Combo, e aínda que presentaron un par de recursos de alzada defendendo a marca Mundocombo (que nada ten que ver cunha lotería) se desestimaron en tódalas ocasións.
Resulta abraiante que unha palabra coma combo (moi empregada especialmente no mundo dos videoxogos) poida recoñecerse coma marca en España, e impida que existan outras marcas que inclúan tal palabra que se podería considerar xenérica.