Os fabricantes de ordenadores atopan un xeito de seguir vendendo equipos con XP preinstalado

Aínda que Microsoft parece que non prorrogará a vida de Windows XP, os fabricantes de ordenadores están a buscar xeitos de permitir que os compradores dos seus equipos poidan elixir se empregan ou non Windows Vista, e parece que compañías coma Hewlett-Packard e Dell aproveitarán a posibilidade de cargar nos seus equipos Windows XP sempre que se vendan cunha licenza de Vista Business ou Vista Ultimate, ou sexa, que realmente non venderán equipos con XP preinstalado, senón con Vista des-actualizado.
Esta táctica supón que os equipos que se vendan coas versións máis básicas (as domésticas) de Vista non se poidan acoller á posibilidade e incluír Windows XP de serie, ou sexa, que estaría orientada claramente ao sector corporativo, que en moitos casos debe continuar a usar XP para integrar os novos equipos nun parque de ordenadores non tan moderno.