Determinan que as actividades de TVMix.net non constitúen delicto

Existen distintas solucións baseadas en tecnoloxía P2P para compartir emisións televisivas en directo a través da Rede, e varias webs, como a galega Rojadirecta.com, que achegan información ao respecto, polo que se están a enfrontar a accións xudiciais por parte de entidades como Audiovisual Sport, Digital+ e a Liga de Fútbol Profesional, e agora coñecemos un caso no que a web acusada sae impune, pois un xuíz sobreseu as actualizacións contra TVMix.net ao considerar que non constitúe delito ofrecer ligazóns a transmisións deportivas que algunhas canles estranxeiras emiten en aberto.
A causa estaba a tomar unha dirección moi perigosa, pois a información publicada por TVMix.net tamén se podía acadar de xeito doado a través de Google, polo que as dilixencias se ampliaran contra Google Spain, S.L.

É de agardar que nos vindeiros meses vexamos resolucións semellantes para outras páxinas web que publican información sobre o seguimento de actividades deportivas a través da Internet.
Curiosamente isto coincide coa presentación dunha denuncia contra a plataforma chinesa PPLive por infrinxir o copyright da compañía Beijing Shidai Yingyin International Entertainment Co., que pide unha compensación de 330.000 iuans (30.317 euros).
É a primeira vez que se emprenden este tipo de accións contra PPLive, que é un dos servizos P2P televisivos máis populares con 85 millóns de usuarios o pasado mes de outubro, e que ofrece acceso a centos de contidos entres os que está a NBA e o fútbol europeo.