Samsung podería integrar nos seus dispositivos o mini-proxector desenvolvido por 3M

O proxector en miniatura de 3M continúa a avanzar para converterse nun produto comercial antes de rematar o ano, descoñecéndose se nalgún momento se venderá coma un produto independente e agardándose que algúns equipos coma ordenadores portátiles e móbiles aposten por este accesorio que nun principio custaría entre os 200 e os 400 dólares, pero que podería acadar un prezo inferior aos 100 dólares en poucos meses, o que permitiría a súa popularización.
Os rumores apuntan a que 3M podería estar a chegar a acordos con Samsung para integrar este mini-proxector nos seus dispositivos. Estes proxectores non substituirían as pantallas, pero permitirían presentar imaxes en paredes ou no chan, o que pode resultar sumamente práctico para compartir contidos con outras persoas.