Arteixo Telecom mellora os seus resultados económicos

A compañía Arteixo Telecom confirmou un dos maiores crecementos do sector tecnolóxico galego, consolidando un incremento de vendas do 25% anual dende 2000 ata chegar en 2007 a un beneficio de 800.000 euros e un cadro de persoal de 206 traballadores, o que resulta especialmente prometedor se temos en conta que hai 8 anos a compañía vía perigar a súa viabilidade tras unhas perdas próximas aos 2 millóns de euros.
Estes novos resultados posibilitaron a posta en marcha dunha ampliación en 1.100 m² da súa planta no polígono de Penapurreira que agardan concluír tralo verán, para completar 6.000 m². Tamén cómpre destacar que Arteixo Telecom destina o 5,3% das súas vendas ao I+D, o que permitiu que o 25% da súa facturación corresponda xa a produtos fabricados con tecnoloxía propia, coma o sistema de localización de persoas con alzhéimer (Simap) ou o router ReVisio que achega a Internet por Wi-Fi aos autobuses de Arriva.