O Firefox 3 quere ser a aplicación informática máis descargada en 24 horas

A Fundación Mozilla quere que o lanzamento da versión oficial de Firefox 3 sexa todo un acontecemento, e para contribuír a tal fin quere que quede rexistrado no libro Guineness como a aplicación informática máis descargada en 24 horas, polo que inician unha campaña chamada Download Day, e que permite aos usuarios a inscrición para recibir un aviso cando xa se poida descargar o novo programa durante o mes de xuño para que nese momento se produza unha descarga masiva do popular navegador.
Tamén se busca que os seguidores deste programa fomenten a súa instalación dende os seus blogs e páxinas webs incrustando botóns e anuncios para dar a coñecer o día no que se poderá descargar o Firefox 3 (aínda por determinar).
Actualmente se estima que o número de usuarios de Firefox está formada por uns 175 millóns de persoas, e de seguro que recibirán con agrado a nova versión que inclúe máis de 14.000 melloras, destacando polo seu maior rendemento, menor consumo de memoria, uso máis doado, sistema de protección contra phishing e malware, características orientadas á corrección ortográfica e unha chega de complementos para adaptar o navegador ás nosas necesidades.
Agardemos que a expectación creada non leve aos responsables do programa a lanzar unha versión pouco madura do navegador, pois nos últimos días se atoparon 10 fallos graves na súa primeira versión candidata, que cómpre corrixir con urxencia.