Nova versión de CrossOver para Mac e Linux

CodeWeavers actualiza a súa aplicación para empregar aplicacións de Windows baixo Mac OS X ou Linux sen contar cunha instalación do sistema operativo de Microsoft (coma fan outras plataformas de virtualización) e o CrossOver 7.0 incorpora o soporte de Office 2007, polo que se pode acceder ás últimas versións de Word, Excel e Powerpoint (e mesmo de Outlook, aínda que neste caso, de xeito limitado), o Photoshop CS e CS2, Quicken 2007 e 2008 e outros programas.
Esta opción é interesante, aínda que para Mac OS X xa existen versións de moitas das aplicacións soportadas, polo que entendemos que a solución de CodeWeavers é máis atractiva para contornos Linux.