A Xbox 360 incorpora novas funcións participativas e multimedia

Microsoft achegou moitas novidades ao E3 de Los Angeles, pero se deixamos a un lado os novos xogos que chegarán para as distintas plataformas teremos que aínda así a Xbox 360 segue máis viva que nunca, e contará con interesantes novidades que serán visibles dende a propia interface do seu dashboard, que incorpora un sistema de avatares que lembra aos Mii de Nintendo, e que permite organizar festas de ata 8 persoas nas que compartir elementos multimedia ou iniciar partidas.

Tamén se inclúe o modo Primetime, que permitirá participar realmente en concursos televisivos en directo, podendo mesmo gañar premios reais, aínda que é algo que nun principio quedaría limitado aos EE.UU., como a outra grande novidade estaría a incorporación do servizo de streaming de Netflix, unha especie de videoclub en liña que comezaría a funcionar no outono. Amais, as películas de Netflix tamén se poderían ver cos nosos amigos en rede.