Correos iniciará en setembro un dos seus proxectos máis ambiciosos: a creación dun apartado postal electrónico. A nova plataforma virtual permitirá o envío en liña masivo, en perfectas condicións de seguridade e confidencialidade, de comunicacións e mensaxes de empresas e Administracións cos seus clientes e entre usuarios privados.
Sería un equivalente virtual do apartado de Correos, e na práctica sería un sistema de correo electrónico fornecido por tecnoloxías de sinatura dixital que permitiría a trazabilidade total (ou sexa, saber se as mensaxes foron recibidas e/ou lidas) e soportaría múltiples formatos, resultando moi interesante para o envío de, por exemplo, facturas electrónicas.
Na primeira fase do proxecto será posible a creación dun enderezo de correo único, coa o e-mail tradicional, pero con grande seguridade (pois a información que circule por esta plataforma estará cifrada) e libre de correo lixo.
A segunda parte do proceso engadirá a correspondencia electrónica segura e a certificación postal electrónica, que será equivalente ao correo certificado (rexistrando Correos a hora de emisión e recepción dos envíos).
Correos comezará no outono a creación do apartado postal electrónico
Compartir Este Artigo
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
