As aplicacións de intercambio de arquivos a través da Internet comezan a adaptarse ao futuro da Rede, e a versión 1.8 de µTorrent, considerado o cliente de BitTorrent máis popular e eficiente para Windows, incorpora o soporte de Teredo (un protocolo de tunelización que converte os paquetes IPv6 en datagramas UDP IPv4 para que sexan compatibles con hardware NAT que só funcione con IPv4) e soporte mellorado de iPv6.
Amais, a nova versión de µTorrent tamén mellora a súa integración con Windows Vista (mellorando a súa relación coa devasa do sistema e adaptando a súa interface gráfica para que se comporte mellor baixo o último sistema operativo de Microsoft).
O lanzamento desta nova versión do programa tamén serviu para anunciar que a versión para Mac OS X está cada día máis preto, de xeito que en poucas semanas se publicará unha versión alpha pública.
A nova versión de µTorrent adáptase a IPv6
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
