Windows 7 podería manter unha interface de uso moi semellante á de Vista

Toda unha colección de imaxes tomadas da versión Milestone 3 de Windows 7 nos achegan o que podería ser o futuro sistema operativo de Microsoft, e como se viña comentando nos últimos meses, parece que se trata dunha simple revisión de Windows Vista, pois as súas diferenzas estéticas parecen moi difíciles de percibir.
Entres os detalles que se poden ver está o feito de que a interface de usuario actualmente presente no Office 2007 se trasladaría a ferramentas coma o Paint ou o Wordpad, cambiaría a imaxe dalgunha icona, e se optimizarían algúns detalles, pero non hai que esquecer que se trata dunha versión moi adiantada do Windows 7, e que faltan uns 15 meses para a chegada do novo sistema operativo (lembremos que Vista tivo moitos cambios de estética nos meses do seu desenvolvemento).
Podemos agardar así que Windows 7 será unha revisión de Vista que non procurará revolucionar a súa estética, senón que apostará por mellorar o seu rendemento, así como incorporar novidades que, de non aparecer un novo sistema operativo virían a través dun Service Pack (como a incorporación do formato OOXML no Wordpad ou o Internet Explorer 8).