Os usuarios norteamericanos de Xbox LIVE prefiren Obama a McCain

O foro político que Microsoft estreou en Xbox LIVE para permitir que os xogadores puideran participar nunha enquisa sobre a súa intención de voto nos EE.UU., considerada a enquisa non oficial máis ampla ata o momento con preto de 100.000 participantes ten xa resultados, situando á candidatura de Obama/Biden como a gañadora cun 43% dos votos, mentres que McCain/Palin se tiveron que conformar co 31% dos mesmos.

Non hai que esquecer que estes resultados están moi sesgados (o perfil de xogadores de Xbox LIVE non coincide co cidadán medio) e non están extrapolados xeograficamente, de xeito que non se poden trasladar os votos a potenciais resultados electorais (xa que as demarcacións electorais son un factor determinante).
A enquisa era parte dunha campaña na que tamén se instaba aos usuarios de Xbox LIVE a rexistrarse para votar, o que fixeron máis de 55.000 cidadáns; así como tamén se permitía a descarga de vídeos das recentes convencións Demócrata e Republicana.