Google entra no mercado da publicidade integrada en videoxogos

Trala compra de AdScape Media por 23 millón de dólares en febreiro de 2007 só era cuestión de tempo que Google se lanzase á publicidade en videoxogos, e finalmente anunciou o lanzamento en probas de AdSense for Games, plataforma que permitirá a explotación publicitario tanto de pequenos xogos en liña baseados en web como de títulos máis coñecidos coma o Dance Dance Revolution de Konami.
A publicidade nos xogos poderá empregar distintos formatos (dende texto ata vídeo) e permitirá que as empresas que fan videoxogos poidan abrir a porta a un tipo de explotación comercial doutros medios como a prensa ou a televisión. Ademais, a publicidade integrada en xogos pode colocarse de xeito que non moleste especialmente ao usuario, pois habitualmente se coloca nos mesmos contornos que no mundo real (como carteis virtuais).
Queda por ver os formatos que se fan populares nesta nova plataforma publicitaria, posto que os anuncios sobre a base do número de clics que se faga sobre os mesmos podería non ter moito sentido nos xogos, e haberá que buscar modelos imaxinativos e revolucionarios que resulten satisfactorios para consumidores e anunciantes.

Vídeo promocional de Google AdSense for Games