O Consello da Xunta autorizou hoxe a sinatura dun convenio de colaboración entre a Consellaría de Innovación e Industria e o Ministerio de Industria, Turismo e Comercio polo que o Estado concederá un préstamo de 98.980.000 euros sen xuros para o espallamento do servizo de banda larga e da cobertura da TDT en Galicia.
Esta cantidade permitiralle á Consellaría de Innovación e Industria completar a extensión da banda larga nas zonas nas que a infraestrutura non permite aínda ofertar servizos de acceso á Internet de alta velocidade axeitados aos cidadáns, zonas nas que aínda non existe unha boa dotación de redes por parte das operadoras ou contan cunhas redes anticuadas que impiden o acceso á Rede (ou fan que sexa excesivamente lento).
Dos cartos achegados se empregarán 5 millóns para mellorar a cobertura e difusión do sinal da Televisión Dixital Terrestre na nosa comunidade.
O Estado achegará 99 millóns de euros para mellorar as infraestruturas de telecomunicacións galegas
Compartir Este Artigo
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
